He aituā, he aituā…
Hinewirangi Kohu Morgan
He kura tangihia
He maimai aroha
E tangi hotuhotu e tangi mokemoke ana a Raukatauri
ki a koe e te huia turae, e te piki kotuku e Hinewirangi e
Āue hōhonu atu nei a Puruhau
Tangi kau ana, tangi kotokoto ana a Puruwai
i runga i te maraenui o Hine moana ki a koe e te pōhoi toroa
Hinewirangi, Hineputehue, e hine e
Tiutiu ake ra taku manu tioriori
Hokahoka haere ra taku korimako i ngā hau mapu o te motu nei e
Kia mihi koe e te hunga kua pāhanahana i te kokowai o Hine nui te po
E te mareikura- okioki atu rā
English 
Māori